Nha fala

À Lídia à beira do rio

*
Nha fala i un dus pasu
atlantiku na diapason
kuimbra neni bu tuada
na un kurpu kebra-kebradu

na un maranha di iran segu
bu sirbi tas na barkafon
di nha poetandadi

bustu di kabral na iari-iari
kuma tchon ka rakunsil

suma kobra ku na ramenda
djunki turpesa di mar
bu latchi bu tadju di palmera padida

malila bagana forsa
pubis taranta didia uan
bu serpentasku
teju ku na lagua
beju di maron di djiba

kur di bu djindjirba pe di ankol
katabentu di ermankono
na prantcha di sakor

nha sunhu i kil un son son
ma falan kuma
liti ku basa ka ta djunki
kabas di djamakosa

n sikidu na Pindjiguiti
n na panga foli
pa maskotia bu suris
na kalkanhada di pilikanu
pa bua sai nkanta mundu

ku bu garganti fonghol
na palku nha sunhu
alma-beafada
reinu di ndoli

Ndongle Akudeta
23.03.05 - 18:00