quinta-feira, novembro 24, 2005

Na bu palmu di mon

de
Ndongle Akudeta
*
Na bu palmu di mon
Nha distinu skribidu
Na masan di bu orta
Serpenti sikidu na porta

Tris riu ku na lagua mansu
Pa bulanha di bu dedu
Nsomba-nsonbadu
Bemba di saudadi ku sikidu
Maron di Djiba ta badja tchintchin
Na tchikinidura di bu garasa

Na bu palmu di mon kaminhu
Singadura di seu ku tingi lundju
Strelas mansebu ta sai sardia
Na sara-noiba di lunga badjuda
Flur di lalu-kaminhu...

Na kada palmu kantiga di nha pasu
Kantu frontera dja ku n kamba
Djidiu ami i sidadon di mundu
Ora ku n na kanta bu nomi
Taibas tchapadu ku kordon di bu tadju
N ta toka dondon nuven nkanta

Ami i sidadon di mundu
Na kada tchalasiada di di noti
N ta furta sunhu di manduragada



09.07.05

Sem comentários: