Boka moladu pa simola moskia-moskiadu
paki liti korta fala ku siti
gardisimenti malbensidu
rabata-rabata faimadu ba dja
kiston di fia i un negosio di mampasada
mama mainadu
kil ku djuntadu na armondadi
padasia-padasiadu garan garan
kinhon ki di povu sabodja-sobojadu aula-ula
'ma amanha falsia disna di ontordia
na djunda-djunda di aonti ku aos
na moransa di djitu-ka-tem kau kala iem
udju rabata tuada di djambadon
oredja na tchebeta mukur mukur
kinoba ku kamba boka distranha
*****
Kerensa
Na brinkadera di "toca-foge"
n' dau bu ka tornan
alin sikidu tras di kasa
bin pa n' kudjiu - nha obu di tchoca!
mentu pa es dinoti tchuba kai
no mbala na tchikini-tchikini
asin amanha pata di ladron
ta bin sintidu na San Djon
na kaminhu ku manhoka farfari -
seja son pa n ka kai tchai
n' ta n'uliu pardeus suma
badjudesa di nha mame -
nha Koni di gan Kamara
"Os di bon mesa
na muntudo di koitadi"
-ai lisbueta na bnhale!
Amanha sin bai pista mantchadu
pa iran-segu ka bin burfan
mpina kabesa na balai
iurumbudura pul aparti
arrus limpu - bu kuku di udju
liti durmidu di baka k'n bakia
anti di bu pape mara kasamenti...
Djidji si i ten pa rii
tchia si kosau sarna
mara pitu si iardiu korson
si i mabo kabesa tofodja lens
si i ka mpatchau purtchi
si i ka melau bejan na boka
ma nha nomi ka deus nganau!
Amanha si nha obu intchi kalsa
nta mandurga ku mburta di kabás
kum di tudu koldadis di kana
wiski vodka ku kola suma mansa
pa n diklarau pa m pembiu na nha ragás
18:40 29-06-2003
Ndongle Akudeta
In Sombra di Lakakon
4 comentários:
Brincadera mas sabi
tok i mas bianda kuntangu
ma na bon sintidu
ora ku amor na nansi na tapada di djumbai
i ka ta ten fala-n-fala
seta sedu homi matchu
bo mara lope bu disi blanha
si seu seta alan bis ta sanha
seta son bota karbon na kaminhu
pa marka pasus
na djitu di sibi rapada
Djirsilin ka ta kema kun bedja dus bias
nin lifanti ka ta fididu mas ki un bes
no na tokau tina
pa djamu deuza di un noti kotrobido
nunde ku matchudunu seta bida kuto na nsomba-nsomba
pa limbi nata di baka
maradu na koral
Ma si kontra
deus bin dau kil ki di bo
"ason bo tchebeta
panu lansiadu pa kubri noiba
bas di tchuba di arus purfumadu
no rapika bas di lungha
nos kusa ta odjadu na San Djon
Em "Tuada di Djambadon" pode-se constatar abertamente uma declaração de amor a pátria.
Um apelo à unidade pela guineidade. Um espírito de altruísmo povoado pela consciência de que o que é do grupo nunca pode ser absorvido por um número restrito de pessoa. Tudo isso na diapasão das forças e as sinergias que fazem do povo uma nação numa tomada de consciência sobre a questão da partilha, da solidariedade, da tolerância e do respeito pela dignidade humana, uma das pedras basilares do humanismo existencial no qual o homem, como sendo elemento pertencente a sociedade onde ele vive, assume a responsabilidade para com ela e os demais membros gozando da plena liberdade de expressar o seu sentimento intelectual, partindo do seu espaço restrito definido pelo cordão cultural de que está ligado, para uma abertura social mais abrangente e mundializante.
Quanto é djambadon, naturalmente, não há barreira que restrinja ao usufruto da dança do tambor pela colectividade na morança privilegiada pelo evento, pois, "bantaba i di nos tudu".
Enviar um comentário