um ramu di flor na primavera

kal dia
ku n napara
sunha ku bo
an' kontan

kal noti
ki susegu
pa mi - falan

manduagada
bin tisin
konsolason

n kudji
un ramu
di poesia
na batenti
di nha porta

n pista flauta
di lungha
n kanta
amor bedju

ku mandjidu
na fundu mar

musika
di bu alma
nkanta
seu
sintinela
di
nha kudadi

bu suris
bafa
urbadju
kontentamenti
badja
dentru di mi

un gota
di primavera
ieri-eri
tchopot... totch
dentru di nha
korson

kerensa na bo
arnoba
n toka
poesia
n kanta poesia
n badja poesia

n djamu poesia
tok lungha kamba
(ma n ka diskisi bu tadju tambi)

21.03.2011
04.25
Adão Quade