Karnaval

Maskradu
suma katcher
ku ntola na lama
di pindjiguiti

n bisti kuru
di lagartu bedju
kaskabelu na pitu
korson na manda lata
kuma « ntrudu
n kunsi bu dunu »

n modja tchopot
suma kufu di sal
n medi sai fora
pa borgonha
ka tisinan dinti

n miti bulanha
piskabalu puntan i ke
- Kon ku nghunhi seu...

Karnaval rapasa
ku mon-di-timba
karna ndjuti val
kuma dapi di modja garganti...
ku fadi pa darma Nimba

n magina bu tadju
na latchi kurpu
na badju di Kumpo
suma Ndjimpol

n lembra Kamatchol
ku ta gasidjan po di kurpu
na badju di nalu

ma aos Iangiang
ku ten banu
padiru di kuarti
ku na midi kaparu
ku nha testa di bodi

n tchora banda
ku nha dona tisin
n tchoma Koni i lundju!


2005-02-07
Carnaval em Bissau
Adão Quadé