Kudadi na kasa-garandi

Kurpu ndjitadu na tagua
djalidjali na tchikini tina
bas… bas…

sintidu ngarba ku kurpu di fitu
kudadi i na bambaran
ku na podrisi

Homi di kasa na tchalasia na kasadia
kuma gustu di kerensa
i mudju di kasa-dus

Na kasa-garandi
kuntangu
i kumpadri di dona-kasa

dinheru di fera i sigridu na kaneka di mankara
pa ngoda un-tiru na stangu di padida nobu
son mundu si soda ku pudi tustumunha

Kurpu sin sintidu
tina ndjita tadju
bas bas bas

djaldjali barsa
kudadi
di dona-kasa

Ndongle Akudeta
15.11.05