Burbuleta bua lundju

(à Sanu kodê

sem essa ira)

burbuleta

bua lundju

na seu di nha sunhu



pa ronka saia

na dispidida

di lua



di paramaha sedu

na kintal

di urbadju

n kudji

flur

di no kerensa



n rasa poesia

n gardisi poesia

na lingu di poesia



korson

tisi noba

di un amor

sintidu stranhu

na bantaba

di un kurpu -

pitu krintchadu



puema arnoba

kamaradia

di flema

n karga mblema

di dur

pa fadja

kontentementi



kudadi

di fidju matchu

na bentu



distinu

rabata-rabata



alma mandjidu

na bu udju



si nha sol

ka bin mansi mas

ampus! no labra lua

ku aza di burbuleta



disidju i na bo

poesia ta soronda

di mandurgada


Ndongle akudeta
17.05.10