Tchon tchoman

Djungudu bas di polon di nha nosentasku
bentu madrasta pupan oredja
anta i sunhu o i ke
n dapil sin ruma mbludju
nin mampufa … nin pedra di fugon
n ka dispidi

kangaluta ku tapada
dan buleia te na ntchanha
ntchomau bu lundju!

nha gasadju
i kontrada di tchintchor ku radi
sin pera nomi n djumna ntchada
n mara lope - alan la na kaminhu

katchus na djubin npasmadu
ma pa n-paga-nha-kinhon
mora na nha boka
pa nha nomi ka sedu mudju si sita
na kabas di nhu nghuninghuni
n pina li… n kintisi mon
pabia n burgunhu kaida di sol

ANUMBAARA DJINTON!
- djamu na djamudu

ANUMBAARA i sin propi

DJERDJEF!

Nkinde Na Braia
02.09.98