Ngumbe

N bua na pena di sukuru
pa bai mati kebur
na moransa di tchon-tchoman
kandia di didia mpasman
n burgunhu lunghada
ku panhan tchai
na kamaradia di sukuru medunhu

Mursegu gatu-pretu - lompam di menoti
n odja finadu n tchomal di meletcho
n kumbidal manxida na baxada
n odja Fengueto n saudau dembo
kasisa n sanal kuma mimi-saia

N kanta galu fuska-fuska
na prasa di siminteru
jardin di lakakon
flur di nha kundenka
n ta rabola na tumbulu
di nha mosidadi

Polon di Brá soronda na nha pitu
rumursu di nha pubis na regual!
sur di kombatenti
n kadjanta obulun

n toka siko ku aka
tambur ku bumba
n badja tchintchin na mina

siti riba dja pa Pisis
labanka ba Bisalanka
santchu rapada si po

N amiga ku sukuru
n burgunhu lunghada
n diborsia ku ratina di sol
Didu me ... i nha kumbosa
di djidiundadi
na Kanta Po na Gan-Palas

Ndongle Akudeta
DK 27.o4.99