Sodadi*

Me-noti, silensiu na rena
na kambansa lundju di djiu
urdumunhu tisin somna di djumbai di nha pubis
lembransa purbita pa rendan korson

Sodadi...

N djubi n ka odja , tudu stan stranhu
na brankisa di iagu di djinti
na udju sardia na lembransa
ku nha sintidu mbosa
n disdja no kode

Sodadi...

Ai mar brabu
ai seu iguista
bo leban nha fala pa nha pubis obi
pabia n disdja no kode

Sodadi...

Sodadi di djorson nobu ku djidius na kanta
sodadi di djorson ku pubis na tchama
sodadi di djorson
ku na nghatinha ku pasensa

sodadi...
Sodadi sin fin di nha tera nobu

*Nelson Medina
in Sol na Mansi, PIIC, Bissau,2002