Ku djitu di suguta

suguta

i ten un kusa ku raiu skirbi na seu
n falau - suguta kombersa
ki ka son di udju odja pa i lei
ma di obi pa ntindi

ku e tchuba ku na kai ku djitu
di misti laba sukuru ki noti bisti

Fartura garandi ku na bin
fartura na boka di kada radi
(di kada daba di kada ntchada)
ku na buska tchon gurdu di no tera

suguta son - n falau
de kombersa ku raiu skribi na seu

Zé Carlos