Djambadon di Mandurgada

Ndongle Akudeta

alma ku bai seu fala mantenha
udju mburgudja na fonti
fiu di kabelu na djugudjugu
kankuran na disi pe di polon

fala ku malgosadu fidi lifanti
na kumbu di silensiu

Poesia mbosanta po di kurpu
sintidu djunki gargadjada
di flur di tautau
djamburere salta bantaba
sai ronkanta noti badjuda

kudadi dentru di mi
na kangaluta
korson na ndunsia
djambadon

tambur na un tuku mudu
pe na tchon
silensiu na tchebeta
badju di dun di matu

lambe mborka
mandrugada na badjanta kabas
palabra torna homi dun di si naris

alma ku bai nuben bias
fala mantenha

23.01.06 16:30