Kerensa Prenhada

Dia ku bu setan
n na labau kurpu ku champanhe
n na bidnta bu biku nha kalis
pa n bibi bás di bu bridja
sabura ku Deus sukundi na bu alma

dia ku bu setan
manera ku n faima pa bu badjudesa
ora ku ora di kubamba tchiga
n na uagau gelu na bridja
n toka foli na bu pitu di noiba lifanti
pa n pudi n'unsiu suma kuku di mangu di faka prenhada

dia ku bu setan
mindjor bu ba ta roga djanan kunpu pilon ku po di sangui
pa bin neni pô ku fidi lifanti na Ntula
sibi kuma na Penghana kin ku kamba risku ka riba tras
sibi tambi kuma
na padjigada di baraka na Kadjila
djubi tras ka tem po

Huco Monteiro
Barela,kunfentu 1999/2000